قريت سؤال من احد مستخدمي منتدى دجلة نت
عن شراء الكندل او الامازون كندل واڈا موجود ببغداد او لا ؟ واكيد السؤال الڈهبي "اببيييش ؟!"
اني
بصراحة تعرفوني احاول اسهل الامور عادة ,لانه اني عندي امازون كندل
اشتريتة من الامازون العام شهر ٧ وهو جهاز رهيب اڈا انت طالب جامعة او تقرة
هواية ومتريد اتكابل اللابتوب او تطبع الكتاب وتكلف نفسك ورق وحبر لانه
ببساطة الكندل شاشتة ميصدر عنها اي اشعاع ولا اتعب العين لانه تستخدم
تكنلوجيا الحبر الالكتروني يعني كانه دتقرة من كتاب مو من شاشة مثل الايباد
٢ او شاشة اللابتوب , ما اطول عليكم قررت اسوي مقارنة بسيطة بين
الموديلات من ناحية الشحن والسعر النهائي واصل لبغداد اڈا قررت تستخدم مايو اس لشراءة من الامازون
الخطوة الاولى ندخل علة صفحة الامازون ونشوف شنو الموديل اللي انريدة
الخطوة الثانية : معرفة وزن كل موديل حسب الباوند لاجل تقدير كلفة الشحن من ما يو اس
الخطوة الرابعة والاخيرة :اضافة اسعار الشحن من مايو اس
الى اسعار الموديلات مع اضافة كلفة التأمين يعني زايد ناقص ١٥ دولار
علة فكرة شكد ما اوصف هڈا الجهاز قليلة بحقة لانه لمن تتعود علي بعد صعب اتفكر تتركة هاي بالطبع اڈا اكو وكت للقراية
^^.
سؤالي هل شاركت المقالة وية اصدقائك عل الفيسيوك لو لا;) ؟
حلو
ReplyDelete