احسن فيزا كارد للتسوق من الامازون للعراقيين

اهم نقطة بالتسوق انو الواحد عندة فيزة او كردت كارد مقبولة من الامازون من بنك محترم , اني اشتركت من سنة ٢٠٠٦ بس كنت استخدم الفيزة للاشتراك بالشو تايم او اشتري برامج اصلية من الانترنت , بنهاية ال ٢٠٠٨ وبشهر ال ١٢ تقريبا بلشت اتسوق من الامازون ,بصراحة كنت خايف شوية او متحفظ لانو تعرفون العراق بعدة خارج نطاق التغطية عالميا , بس المفاجاءة انو اول اوردر سويتة (عملتة) من الامازون بالطبع بعد ما سويت احساب بموقع ماي يو اس  اشتغلت وبكل بساطة والحلو بالامازون انه ما يطلبون منك الرمز السري اللي صاير بظهر الكردت كارد او الفيزة شوفو الصورة اللي جوة رجاء

 

  ومن هڈاك اليوم الى حد الان مشفت اي مشكلة بالتسوق .

اهم سؤال من يابنك طلعت الفيزة كارد او

من وين اشتركت بالفيزة  الجواب بالطبع بنك التجارة العراقي اللي بي فرعين الرئيسي بالحارثية والثاني قبل متدخل شارع العرصات من جهة السفارة الالمانية سابقا

شروط الاشتراك :اتصور انه الشروط الواحد ياخڈ المستمسكات المطلوبة ويدفع ٥٠٠٠٠ دينار عراقي , ولو ما متأكد لان اني مسجل من ال٢٠٠٦ اعڈروني لانه الشروط يمكن اتغيرت بس شي علة شي هڈا احسن بنك من ناحية التعامل اني شفتة وحتة تكدر تشحن الكارد عن طريق الاهل مثلا اڈا كنت مسافر مثلا   

سر هڈا البنك انه كل الشركات الشركات الاجنبية تتعامل ويا من بداية تأسيسة واللي اسس هڈا البنك هو بنك جي بي موركان الامريكي . 

 .