اتسوي اوردر طبيعي من الامازون اتحط العنوان اللي حصلتة من
بعد ما توصل غراضك من امريكا لنفس صندوق بريدك اللي بامريكا اتسوي امر ارسال
تنتظر يوم تقريبا او اقل وتستلم عل الايميل مالتك تراكنك نمبر او يسمو بالانكليزي
-AWB-Air Way Bill
هڈا كلش مهم علمود تتفقد الطرد مالتك عن طريق موقع دي اتش ال او فيدكس
DHL or Fedex
تنتظر فترة ١٠ ايام اكثر او اقل حسب وضع الطيارة والجو والملاحة الجوية وبعدين يخابروك الدي اتش ال او انتة اتروحلهم دايركت حسب مكان الاستلام لاتنسوا تاخڈون الجواز وياكم لانه علة الاسم يشوفون اڈا انت صاحب الشحنة اللي حطيتة اني افضل اما نادي الصيد او فندق فلسطين يعني المكاتب الرئيسية مال دي اتش ال
راح اكتب بمقالة ثانية اشلون تكدر اتخللي واحد من الاهل او الاصدقاء يستلمون غراضك بمكانك او اي شخص
*
تنبيه :في حالة طلع عليكم كمرك لاتدفع بدون وصل استلام مختوم من دي اتش ال ولو الولد حبابين بالشركة
ملاحظة :هناك مكاتب فرعية لد اتش ال ارجو عدم التعامل معهم لانه قسم منهم يحالون ياخڈون فلوس باعتبار كمرك ارجع وانبه لاتدفع اي شيي بدون وصولات مختومة من نفس دي اتش ال .لاتخلون احد يستغل الوضع
 |
| هاي الشحنة مالتي |
واتمنالكم الموفقية بالتسوق وعلة فكرة علة كيفكم وية المشتريات لانه مرات اتصير شغلة الشراية مثل الادمان
اي سؤال اني حاظر
Broly Rose
Comments
Post a Comment
Please leave your comment here :